Farmer ID बनवला नसेल तर जाणून घ्या नुकसान! (Drawbacks without Farmer ID)
फार्मर आयडी Farmer ID म्हणजे काय? शेतकऱ्यांसाठी का आहे महत्त्वाचे? जाणून घ्या संपूर्ण माहिती
महाराष्ट्र शासनाच्या कृषी विभागाने शेतकऱ्यांसाठी एक महत्त्वाचा निर्णय घेतला आहे. आता शेतकऱ्यांना शासकीय योजना, अनुदान, पीक विमा, कर्ज योजना यांसारख्या सर्व योजनांचा लाभ घेण्यासाठी शेतकरी ओळखपत्र Farmer ID अनिवार्य करण्यात आले आहे.
शेतकरी बांधवांनो, जर तुम्हाला तुमच्या हक्काचे शासकीय लाभ हवेत, तर तुमच्याकडे फार्मर आयडी असणे अत्यंत आवश्यक आहे. या लेखात आपण फार्मर आयडी Farmer ID म्हणजे काय, त्याचे फायदे, आणि आणि Farmer ID नसेल बनवला तर त्याचे नुकसान याची संपूर्ण माहिती पाहणार आहोत.
फार्मर आयडी म्हणजे काय?
फार्मर आयडी Farmer ID किंवा शेतकरी ओळखपत्र ही एक डिजिटल ओळख आहे, जी तुमचे आधार कार्ड आणि जमिनीच्या नोंदींसोबत जोडलेली असते. यामध्ये शेतकऱ्याचे नाव, पत्ता, आधार क्रमांक, जमीन कुठे आहे, किती क्षेत्रफळ आहे याची माहिती नोंदवली जाते.
हे ओळखपत्र म्हणजे तुमची अधिकृत शेतकरी म्हणून ओळख, जी शासनाच्या डिजिटल कृषी अभियानाचा एक भाग आहे.
फार्मर आयडीचे (Farmer ID)फायदे
- शासकीय अनुदानासाठी पात्रता
– विविध बी-बियाणे, खते, सिंचन योजना यासाठी मिळणाऱ्या अनुदानाचा लाभ घेता येतो. - कृषी कर्ज मिळवणे सुलभ
– बँकेकडून कर्ज घेण्यासाठी आवश्यक असणाऱ्या कागदपत्रांमध्ये आता फार्मर आयडी महत्त्वाची भूमिका बजावतो. - पीक विमा योजना
– निसर्ग आपत्तीमुळे पिकांचे नुकसान झाल्यास शेतकऱ्याला पीक विमा योजनेंतर्गत नुकसान भरपाई मिळते. यासाठी फार्मर आयडी अनिवार्य आहे. - शासनाच्या नवीन योजनांची त्वरित माहिती
– फार्मर आयडीमुळे शासन थेट शेतकऱ्यांपर्यंत योजना पोहोचवू शकते.
Farmer ID नसल्यास होणारे नुकसान (Drawbacks without Farmer ID):
शेतकरी बांधवांनो, जर तुमच्याकडे Farmer ID नसेल, तर खालील अनेक महत्त्वाच्या गोष्टींना तुम्हाला मुकावे लागेल:
-
- शेतीचे वीज बिल माफ होणार नाही– सरकारकडून मिळणारी शेतीसाठीची वीज सवलत किंवा बिल माफी मिळणार नाही.
- फळबाग लागवड योजनेचा लाभ घेता येणार नाही– फळबाग, भाजीपाला लागवड योजनेसाठी अनुदान बंद.
- अनुदानित ट्रॅक्टर, रोटावेटर व शेतीसाठीची अवजारे मिळणार नाहीत– शासकीय सवलतीत मिळणारे ट्रॅक्टर, अवजारे, उपकरणे मिळणार नाहीत.
- तलाठीकडून सातबारा उतारा मिळणार नाही– जमिनीशी संबंधित महत्वाचा दस्तऐवज मिळवताना अडचणी निर्माण होऊ शकतात.
- सरपंचाकडून रहिवासी दाखला मिळणार नाही– रहिवासी दाखला किंवा शेतकरी असल्याचा पुरावा देण्यात अडथळा येतो.
- कृषी केंद्रांवरून आवश्यक औषध व खते मिळणार नाहीत– शासकीय कृषी केंद्रांवरील औषधे, खते सवलतीत मिळण्यास अडचण.
FAQ (वारंवार विचारले जाणारे प्रश्न)
प्रश्न 1: फार्मर आयडी कसा बनवावा?
उत्तर: फार्मर आयडी बनवण्यासाठी तुम्हाला तुमच्या आधार कार्डाची आणि जमिनीच्या नोंदींची माहिती आवश्यक आहे. तुम्ही स्थानिक कृषी कार्यालयात जाऊन अर्ज करू शकता.
प्रश्न 2: फार्मर आयडी न बनवल्यास कोणते नुकसान होईल?
उत्तर: फार्मर आयडी न बनवल्यास तुम्हाला शासकीय अनुदान, पीक विमा, कृषी कर्ज, आणि इतर महत्त्वाच्या योजनांचा लाभ घेता येणार नाही.
प्रश्न 3: फार्मर आयडी बनवण्यासाठी कोणती कागदपत्रे आवश्यक आहेत?
उत्तर: आधार कार्ड, जमिनीच्या नोंदी, आणि तुमच्या शेताच्या माहितीची कागदपत्रे आवश्यक आहेत.
प्रश्न 4: फार्मर आयडी मिळवण्यासाठी किती वेळ लागतो?
उत्तर: अर्ज केल्यानंतर साधारणतः 15 ते 30 दिवसांच्या आत तुम्हाला Farmer ID मिळू शकतो.
प्रश्न 5: फार्मर आयडी चा वापर कसा करावा?
उत्तर: फार्मर आयडी चा वापर शासकीय योजनांसाठी अर्ज करताना, बँकेत कर्ज घेताना, आणि कृषी केंद्रांवर औषधे व खते खरेदी करताना केला जातो.
जर तुम्हाला ही माहिती उपयोगी वाटली असेल तर आपल्या मित्रांना नक्की शेअर करा आणि अशाच अपडेट्ससाठी PulseMarathi.com वर नियमित भेट द्या.